முன்னாள் இந்திய அணியின் கேப்டன் MS தோனி, இந்தியாவுக்காக விளையாடிய சிறந்த கேப்டன்களில் ஒருவர். இவர் இந்தியாவுக்காக ஒரு நாள் உலககோப்பை, சாம்பியன்ஸ் கோப்பை, T20 உலகக்கோப்பை போன்ற பல ஐசிசி போட்டிகளில் வெற்றி பெற முக்கிய காரணமாக அமைந்தவர்.
அதுமட்டுமல்லாமல் Dhoni ஐபில் தொடரில் சென்னை சூப்பர் கிங்ஸ் அணிக்காக விளையாடி 5 முறை கோப்பையை வென்றுள்ளார். கடந்த ஆண்டு நடைபெற்ற IPL 2023 இறுதி போட்டியில் வென்று மும்பை இந்தியன்ஸ் சாதனையான. 5 முறை IPL வென்ற அணி என்ற சாதனையை சமன் செய்யதார்.
2023 சீசனுக்குப் பிறகு அவரது ஓய்வு பற்றிய ஊகங்கள் இருந்தது. அப்போது இறுதி போட்டிக்கு பின் பேசிய தோனி, ரசிகர்களின் அமோக அன்பு மற்றும் ஆதரவால் தொடர்ந்து விளையாடுவேன் என கூறி ரசிகர்கள் அனைவரையும் ஆச்சரியப்படுத்தினார். எனவே இந்தியன் பிரீமியர் லீக் 2024 (ஐபிஎல்) சீசன் சென்னை சூப்பர் கிங்ஸ் (சிஎஸ்கே) அணிக்கு மீண்டும் தலைமை தாங்க எம்எஸ் தோனி வருவார் என ரசிகர்கள் எதிர்பார்த்துக் காத்திருக்கின்றனர்.
2023 ஐபில் போட்டிகள் முழுவதும் முழங்கால் வலியுடன் விளையாடி வந்தார். வெற்றிகரமான ஐபிஎல் 2023 தொடருக்கு பின் மும்பையின் கோகிலாபென் திருபாய் அம்பானி மருத்துவமனையில் தோனி இடது முழங்காலில் அறுவை சிகிச்சை செய்து கொண்டார். வெற்றிகரமான அறுவை சிகிச்சைக்குப் பிறகு, தோனி தனது உடல் நலத்தில் கவனம் செலுத்த கிரிக்கெட்டில் இருந்து ஓய்வு எடுத்தார்.
சமீபத்தில், சமூக ஊடகங்களில் தோனியின் கடுமையான பயிற்சிக் வீடியோக்கள் வைரலாகியது., எனவே தோனி ஐபிஎல் 2024 க்கு கண்டிப்பாக விளையாடுவார் என ரசிகர்கள் மகிழ்ச்சி அடைந்தனர்.
தோனியின் ஃபேஸ்புக் பதிவு
ஆனால் நேற்று திங்கட்கிழமை தோனி பேஸ்புக்கில் ஒரு பதிவை வெளியிட்டார், அதில் “Can’t wait for the new season and the new ‘role’. Stay tuned!” என பதிவிட்டிருந்தார்.அதாவது “புதிய காலம், புதிய பொறுப்புக்கு காத்திருக்க முடியவில்லை” என்ற தோனியின் பதிவு தற்போது வைரலாகி வருகிறது. இது தோனி அணியில் கேப்டனாக விளையாடுவாரா அல்லது பயிற்சியாளர் அல்லது வழிகாட்டியாக செயல்படுவாரா என்ற ஊகங்களைத் தூண்டியது.
ரசிகர்கள் ஆர்வத்துடனும் யூகத்துடனும் கமெண்ட் பகுதியை நிரப்பினர். சிலர் தோனி பயிற்சியாளராக வருவார் என்று நம்பினர், மற்றவர்கள் அவர் வழிகாட்டியாக வரலாமா என்று கேள்வி எழுப்பினர். சிலர் CSK க்கு புதிய கேப்டனின் அறிவிக்கப்படலாம் என்றும் சிலர் தோனி ஓய்வு பெறக்கூடும் என பல்வேறு பதிவுகளை செய்து வருகின்றனர்.
அண்மையில் தோனி, ஜாம்நகரில், ஆனந்த் அம்பானியின் திருமணத்திற்கு முன் நடக்கும் கொண்டாட்ட நிகழ்ச்சியில் கலந்துகொண்டார், இதில் உலகம் முழுதும் இருந்து பல்வேறு பிரபலங்கள் கலந்து கொண்டனர்.
இந்த நிலையில் CSK இன் சீசனுக்கு முந்தைய முகாம் சென்னையில் தொடங்கியது. இந்த முகாமில் இந்தியாவில் இருக்கும் வீரர்கள் முதல் பேட்சில் இப்பொது கலந்து கொள்வார்கள் என எதிர்பார்க்கபடுகிறது. ஆனால் IPL 2024 போட்டிகளுக்கான தோனியின் வருகை இன்னும் உறுதி படுத்தப்படாத சூழலில் தோனியின் இந்த முகநூல் பதிவு இன்னும் எதிர்பார்ப்பை அதிகரித்துள்ளது.
மார்ச் 22 ஆம் தேதி ராயல் சேலஞ்சர்ஸ் பெங்களூருக்கு எதிரான தொடக்க மோதலில், MS தோனியின் பங்கு என்ன என்பதை அறிய கிரிக்கெட் உலகம் ஆவலுடன் காத்திருக்கிறது,