ரோஹித் சர்மா இந்திய அணியின் கேப்டனாக உள்ளார். அவர் அனைத்து விதமான கிரிக்கெட் போட்டிகளிலும் தொடக்க வீரராக விளையாடி வருகிறார். அவருடைய திறமையை பற்றி அனைவருக்கும் தெரியும். கடந்த சில வருடங்களாக தொடக்க முதலாகவே அதிரடியாக விளையாடி வருகிறார். சமீபத்தில் நடைபெற்ற ஒரு நாள் உலக கோப்பையில் இந்திய அணிக்காக அவர் பேட்டிங்கில் மிக பெரிய பங்காற்றினார்.
IPL 2024 தொடரில் மும்பை இந்தியன்ஸ் அணி மிக மோசமான தொடக்கத்தை சந்தித்தது. மும்பை இந்தியன்ஸ் அணி தனது முதல் மூன்று போட்டிகளில் தோல்வியை சந்தித்தது. இறுதியாக தனது நான்காவது போட்டியில் தனது முதல் வெற்றியை பதிவு செய்துள்ளது.
ஞாயிற்றுக்கிழமை மும்பை வான்கடே மைதானத்தில் நடைபெற்ற போட்டியில் மும்பை இந்தியன்ஸ் அணி டெல்லி கேப்பிடல்ஸ் அணியை 29 ரன்கள் வித்தியாசத்தில் வீழ்த்தியது. ரோஹித் 27 பந்துகளில் 6 பவுண்டரிகள் மற்றும் 3 சிக்சர்கள் உட்பட 49 ரன்கள் எடுத்து அணிக்கு சிறப்பான தொடக்கத்தை கொடுத்தார் என்பது குறிப்பிடத்தக்கது.
அவர் சிறந்த பேட்ஸ்மேன் மற்றும் கேப்டன் என்பதையும் தாண்டி அவர் ஒரு சிறந்த மனிதர் மற்றும் நகைச்சுவை உணர்வு கொண்டவர் என நமக்கு தெரியும். மைதானத்திலேயே பல முறை சக வீரர்களை கிண்டல் செய்வது, பார்வையாளர்களை சீண்டுவது போன்ற பல செயல்களை செய்வது வழக்கம்.
ஆனால் இந்த முறை அதையும் தாண்டி தான் ஒரு சிறந்த நடிகர் என நிரூபித்துள்ளார். இந்திய முன்னாள் கிரிக்கெட் வீரர்களான சச்சின் டெண்டுல்கர், ஹர்பஜன் சிங், யுவ்ராஜ் சிங், ராகுல் டிராவிட், சாஹீர் கான் ஆகியோரை இமிடேட் செய்துள்ள வீடியோ சமூக வலைத்தளங்களில் வைரலாக உலா வருகிறது.
முன்னாள் வீரர்களை கிண்டல் செய்யும் ரோஹித் சர்மா.
சமீபத்திய பயிற்சியின் போது, ரோஹித், சச்சின் டெண்டுல்கர், யுவராஜ் சிங், ராகுல் டிராவிட், ஹர்பஜன் சிங் மற்றும் ஜாகீர் உள்ளிட்ட இந்திய வீரர்களின் கிரிக்கெட் நடவடிக்கைகளைப் செய்து காட்டி ரசிகர்களை மகிழ்வித்துள்ளார்.
அதில் டெண்டுல்கரின் கிளாசிக் ஸ்ட்ரெய்ட் டிரைவ், டிராவிட்டின் பேட்டிங் நிலைப்பாடு, ஹர்பஜனின் பந்துவீசும் ஸ்டைல் மற்றும் மூத்த ஆல்-ரவுண்டர் யுவராஜ் சிங்கின் ஃபீல்டிங் செய்யும் முறை என அனைத்தையும் ரோஹித் செய்வது போல காட்சிகள் பதிவாகியுள்ளன.
வீடியோவின் முடிவில், முன்னாள் வேகப்பந்து வீச்சாளர் ஜாகீர் கான் பந்து வீசி விட்டு விக்கெட் எடுத்தவுடன் கொண்டாடும் பாணியை ரோஹித் மிக சிறப்பாக நடித்து காட்டியுள்ளார்.
Rohit Sharma imitates Sachin, Yuvi and Bhajji 🤣 🤩 pic.twitter.com/WX87Ye9zb7
— ISHU YADAV (@IshRo45) April 5, 2024