T20 Worldcup 2024 இந்திய அணி உத்தேச 20 வீரர்கள் பட்டியல். T20 Worldcup 2024 வரும் ஜூன் 2ஆம் தேதி தொடங்க இருக்கிறது. எனவே அனைத்து அணிகளும் தங்களது 15 வீரர்கள் கொண்ட அணியை வரும் ஏப்ரல் 30ஆம் தேதிக்குள் அறிவிக்க வேண்டும் என ஐசிசி அறிவித்துள்ளது.
T20 உலக கோப்பை ஜூன் 2ஆம் தேதி தொடங்க இருக்கிறது. இந்த உலக கோப்பையை அமெரிக்கா மற்றும் மேற்கிந்திய தீவுகள் இணைந்து நடத்துகின்றன. இந்த கட்டுரையில் இந்தியாவின் டி20 உலகக் கோப்பை உத்தேச அணியை பார்க்கலாம்.
இந்த ஆண்டு நடைபெற உள்ள டி20 உலககோப்பை அணித் தேர்வில் பிசிசிஐ எந்த ஒரு சோதனை முயற்சியும் எடுக்க விரும்பவில்லை. நல்ல ஃபார்மில் உள்ள ஒன்று அல்லது இரண்டு இளம் வீரர்களை அணியில் சேர்க்கலாம். ஆனால் பெரும்பாலும், 15 அனுபவம் வாய்ந்த வீரர்கள் தேர்வு செய்யப்பட வாய்ப்பு அதிகம் உள்ளது.
இந்திய கிரிக்கெட் கட்டுப்பாட்டு வாரியம் (BCCI) T20 உலகக் கோப்பைக்கான 20 உத்தேச வீரர்கள் பட்டியலை அநேகமாக தேர்வு செய்து விட்டது. இதில் பெரிய ஆச்சரியங்கள் இருக்க வாய்ப்பில்லை. PTI அறிக்கையின்படி, டி20 போட்டிகளில் சிறந்த மற்றும் அனுபவம் வாய்ந்த வீரர்கள் அணியில் இடம் பெறுவார்கள். அநேகமாக ஐபிஎல் போட்டிகளில் உள்ள ஃபார்மை பொறுத்து ஒரு சில வீரர்கள் நீக்கப்படலாம். மற்றபடி அனைவரும் எதிர்பார்த்த அணி தான் உலக கோப்பைக்கு தேர்ந்தெடுக்கப்படும்.
T20 Worldcup 2024 இந்திய அணி டாப் ஆர்டர்
அநேகமாக விராட் கோலியும் ரோஹித் சர்மாவும் தொடக்க வீரர்களாக விளையாட வாய்ப்புள்ளது. பிசிசிஐ விராட் கோலியை ஓப்பனிங் விளையாட கேட்டுக்கொண்டுள்ளதாக கூறப்படுகிறது. எனவே 15 பேர் கொண்ட அணியில் ஷுப்மான் கில் மற்றும் யஷஸ்வி ஜெய்ஸ்வால் ஆகியோருக்கு இடையே போட்டி உள்ளது. யாராவது ஒருவர் மட்டுமே தேர்ந்தெடுக்க வாய்ப்புள்ளது. ஆனால் தற்போது நடைபெற்று வரும் ஐபில் போட்டிகளில் யஷஸ்வி ஜெய்ஸ்வால் ரன்கள் அதிகம் எடுக்க வில்லை. அதே நேரம் ஷுப்மான் கில் நல்ல ஃபார்மில் உள்ளார். எனவே தற்போதைய நிலையில் ஷுப்மான் கில் தேர்வு செய்ய அதிகம் வாய்ப்புள்ளது.
T20 Worldcup 2024 இந்திய அணி விக்கெட் கீப்பிங்
விக்கெட் கீப்பிங் செய்ய ரிஷப் பந்த் முதல் சாய்ஸ் ஆக இருக்கிறார்.ஆனால் சஞ்சு சாம்சன், கே.எல்.ராகுல், இஷான் கிஷன், ஜிதேஷ் சர்மா ஆகியோரும் களத்தில் உள்ளனர். ஆனால் கே.எல்.ராகுல், இஷான் கிஷன் ஆகியோர் டாப் ஆர்டரில் பேட்டிங் செய்பவர்கள். ஏற்கனவே டாப் ஆர்டரில் இடம் ரோஹித் சர்மா, விராட் கோலி மற்றும் ஷுப்மான் கில் உள்ளதால் கே.எல்.ராகுல் மற்றும் இஷான் கிஷன் தேர்வு செய்ய வாய்ப்பு குறைவு. எனவே விக்கெட் கீப்பிங் பொறுத்தவரை ரிஷப் பந்த் மற்றும் சஞ்சு சாம்சன் தேர்வு செய்ய வாய்ப்பு அதிகம்.
T20 Worldcup 2024 இந்திய அணி ஸ்பின் பௌலர்கள்
சுழற்பந்து வீச்சை பொறுத்தவரை ரவீந்திர ஜடேஜா மற்றும் குல்தீப் யாதவ் ஆகியோர் அணியில் இடம் பெறுவது உறுதி. ஆனால் மூன்றாவது ஸ்பின் பௌலர் இடத்திற்கு போட்டி அதிகம் உள்ளது. யுஸ்வேந்திர சாஹல், ரவி பிஷ்னோய் மற்றும் அக்ஸர் படேல் ஆகியோர் தேர்வு செய்யப்பட வாய்ப்புள்ளது.ஆனால் அக்ஸர் படேலின் பேட்டிங் திறமையால் யுஸ்வேந்திர சாஹல், ரவி பிஷ்னோய் ஆகியோரை பின்னுக்கு தள்ளி தேர்வு செய்யப்பட வாய்ப்புள்ளது.
T20 Worldcup 2024 இந்திய அணி பாஸ்ட் பௌலர்கள்
வேகப்பந்து வீச்சு பொறுத்தவரை ஜஸ்பிரிட் பும்ராஹ் மற்றும் மொஹம்மத் சிராஜ் ஆகியோர் 15 பேர் கொண்ட அணியில் நிச்சயம் இடம் பெறுவார்கள். அர்ஷ்தீப் சிங் மற்றும் அவேஷ் கான் ஆகியோரில் ஒருவர் இடம் பெற வாய்ப்புள்ளது.
T20 Worldcup 2024 இந்திய அணி
“பிசிசிஐ அதிகாரி ஒருவர் கூறுகையில் “அணியில் எந்த ஒரு சோதனை முயற்சியும் இருக்காது. இந்தியாவுக்காக விளையாடிய மற்றும் டி20 சர்வதேச மற்றும் ஐபிஎல் போட்டிகளில் தொடர்ந்து சிறப்பாக செயல்பட்ட அனைவருக்கும் வாய்ப்பு அளிக்கப்படும்” என குறிப்பிட்டுள்ளார்.
T20 Worldcup 2024 இந்திய அணி உத்தேச 20 வீரர்கள் பட்டியல்
T20 Worldcup 2024 இந்தியாவின் உத்தேச வீரர்கள் பட்டியல்: ரோஹித் சர்மா (C), யஷஸ்வி ஜெய்ஸ்வால், ஷுப்மான் கில், விராட் கோலி, சூர்யகுமார் யாதவ், ரின்கு சிங், ரிஷப் பந்த், கேஎல் ராகுல், சஞ்சு சாம்சன், ஹர்திக் பாண்டியா, ரவீந்திர ஜடேஜா, சிவம் துபே, அக்சர் படேல் , குல்தீப் யாதவ், யுஸ்வேந்திர சாஹல், ரவி பிஷ்னோய், ஜஸ்பிரித் பும்ரா, முகமது சிராஜ், அர்ஷ்தீப் சிங் மற்றும் அவேஷ் கான்.
டி20 உலககோப்பையில் அனைவரும் எதிர்பார்க்கும் இந்தியா மற்றும் பாகிஸ்தான் மோதும் போட்டி ஜூன் 9 ஆம் தேதி நியூயார்க்கில் நடைபெற உள்ளது.